மழைக்காலத்தில் பண்ணை பராமரிப்பு எப்படி? – கன்றுகள் முதல் தொழுவம் வரை!
மழைக்காலத்தில் மாடுகள் பாதுகாப்புக்கு தேவையான பராமரிப்பு, தீவன மற்றும் நோய் தடுப்பு வழிமுறைகள் பற்றி முழுமையாக அறிந்துகொள்ள +916383717150 இல் யூவர்பார்ம் மருத்துவ குழுவை அழைக்கவும்.
மழைக்காலம் என்பது இயற்கைக்கு வாழ்வொளி தரும் பருவமாக இருந்தாலும், மாடுகளின் உடல்நலத்திற்கும் பண்ணை மேலாண்மைக்கும் பல்வேறு சவால்களை ஏற்படுத்தும். மழை நீர், ஈரப்பதம், நோய்கள், தீவன சிக்கல்கள், வண்டிகள் தொல்லை என பல பிரச்சனைகள் மாடுகள், கன்றுகள், கிடாரிகள் போன்ற அனைத்து கால்நடைகளையும் பாதிக்கக்கூடியது. இப்பதிவில் மழைக்காலங்களில் பண்ணையில் எடுக்க வேண்டிய பாதுகாப்பு நடவடிக்கைகள், தீவன மேலாண்மை மற்றும் நோய் தடுப்பு குறித்து விரிவாக காணலாம்.
1. தொழுவ மேலாண்மை மற்றும் சுகாதாரம்
மழை தொழுவத்தில் தேங்கி நிறைந்தால் சாணம், சிறுநீர், மழைநீர் கலந்து அமோனியா வாயு உருவாகும். இது மாடுகள் மற்றும் கன்றுகளில் கண் எரிச்சல், மூச்சுத்திணறல் போன்ற பிரச்சனைகளை உருவாக்கி, தீவன உட்கொள்ளும் அளவை குறைக்கும்.
தொழுவ தரை ஈரமாக இருந்தால் கன்றுகளில் காக்சீடியா, கறவை மாடுகளில் மடி நோய் போன்ற நோய்கள் உருவாகும்.
தொழுவத்தின் நீர் வடிகால் சரியாக இருக்க வேண்டியது முக்கியம்.
கால், குளம்புகளை பாதிக்கும் ஈர நிலத்திலிருந்து பாதுகாக்க, தொழுவ தரையை அடிக்கடி சுத்தம் செய்ய வேண்டும்.
தரையில் கிருமிநாசினி தெளிக்கவும், வழுக்காமலும் கவனிக்க வேண்டும்.
2. தீவன மேலாண்மை மற்றும் பசும்புல் சிக்கல்
மழைநேரத்தில் கிடைக்கும் பசும் புல்லில் தண்ணீர் மற்றும் நார் அதிகமாக இருக்கும். இது:
ஊட்டச்சத்து குறைவாக இருப்பதால், அதிக பசும் புல்லை உண்டாலும் பலனில்லை.
மாடுகள் மிக மிக இளகிய சாணம் இடும் (கழிச்சல் )
உடலில் வழக்கத்தை விட அதிக அளவில் இலக்ட்ரோலைட் வடிவில் தாது சத்துக்கள் வெளியேறும் இதனால் மாடுகளில் பால் உற்பத்தி குறைய வாய்ப்புகள் உள்ளன
தீர்வுகள்:
பசுமை புல்லுடன் வைக்கோல் அல்லது உலர்ந்த நார்ப்பொருட்கள் சேர்த்து அளிக்க வேண்டும்.
கலப்பு தீவன அளவை சற்று அதிகரிக்கவும்.
சத்து உப்புகள் கூடுதலாக வழங்க வேண்டும்.
3. குடற்புழு நீக்கம் மற்றும் தடுப்பு நடவடிக்கைகள்
மழைக்காலங்களில் குடற்புழு தாக்கம் அதிகரிக்கும், குறிப்பாக கன்றுகள் மற்றும் கிடாரிகளில். இதனால்:
வளர்ச்சி மந்தம், நோய் எதிர்ப்பு குறைபாடு ஏற்படலாம்.
மழைக்காலம் தொடங்கும் முன்பும், நடுவிலும், முடிவிலும் குடற்புழு நீக்கம் அவசியம்.
4. கன்றுகளில் கழிச்சல் – முதலுதவி மற்றும் பராமரிப்பு
கன்றுகள் கழிச்சலால் பாதிக்கப்படும்போது:
கலவை- I
சீரகம் -10 கிராம் .,வெந்தயம் -10 கிராம்., கசகசா 10கிராம்., மிளகு – 5 கிராம் .,பெருங்காயம்- 5 கிராம். இதை ஒரு சட்டியில் வைத்து இளம் சூட்டில் கருகும் வரை வறுத்து ஆறவைக்கவேண்டும்.
பின்பு சிறிது தண்ணீர் விட்டு மைய அரைத்துக் கொள்ளவேண்டும்
கலவை- II.
சின்ன வெங்காயம் -2 பல்., வெள்ளை பூண்டு- 2 பல் ., பனை வெல்லம் / நாட்டு சர்க்கரை /கருப்பட்டி - 50கிராம். கலவை ஒன்றையும் கலவை இரண்டையும் ஒன்றாக கலந்து மீண்டும் மைய அரைத்துக்கொள்ளவேண்டும்.
இதை சிறு சிறு உருண்டைகளாக பிடித்து கல் உப்பில் தொட்டு கன்றின் நாக்கின் மேல் பகுதியில் நன்கு தேய்த்துவிடவேண்டும். இதனால் கன்றுகளின் வாயில் எச்சில் அதிகமாக சுரக்கும். பின்பு கழிச்சல் சிறிது சிறிதாக குறைய ஆரம்பிற்கும்.
முதலுதவிக்குப் பிறகு உடனடி 24 மணி நேர கால்நடை மருத்துவ ஆலோசனைக்கு +916383717150 இல் யூவர்பார்ம் மருத்துவ குழுவை அழைக்கவும்
5. உண்ணிகள், பேன்கள், ஈக்கள் – தோல் நோய்கள் மற்றும் பராமரிப்பு
மழையில் உண்ணிகள் மற்றும் பேன்கள்:
இரத்தத்தை உறிஞ்சி, நோய் கிருமிகளை பரப்பும்.
புரோட்டோசோவா Protozoa வகை கிருமிகள் காரணமாக ஆபத்தான நோய்கள் ஏற்படலாம்.
தோல் இரைப்பைகள் ஏற்படலாம்.
தீர்வுகள்:
தொழுவத்தில் U-V பல்புகள் பொருத்த வேண்டும்.
புதர்கள், தேவையற்ற செடிகள் அகற்றப்பட வேண்டும்.
மாட்டு இடுப்பு பகுதிகளில் எரிவாயு கருவி மூலம் பதுங்கிய புழுக்களை அழிக்கலாம்.
6. நோய் தடுப்பு மற்றும் தடுப்பு ஊசிகள்
மழைக்காலங்களில் அழற்சி காரணமாக:
நோய் தாக்கம் அதிகமாகும்.
கால்நடை மருத்துவரின் ஆலோசனையுடன் கருப்பு காலாண்டு நோய் Black Quarter, HS போன்ற தடுப்பு ஊசிகளை போட வேண்டும்.
7. குடிநீர் மேலாண்மை
திறந்தவெளி தொட்டிகளில் மழைநீர் சேர்ந்து புழுக்களின் வாளிடமாக மாறலாம்.
சுத்தம் செய்ய முடியாத தொட்டிகளைத் தவிர்த்து, மூடிய தொட்டிகள் அல்லது சுத்தமான வெதுவெதுப்பான நீர் அளிக்க வேண்டும்.
சிறிய கன்றுகளுக்கு வெதுவெதுப்பான நீர் அவசியம்.
8. இளம் கன்றுகள் பராமரிப்பு
இளம் கன்றுகளை மழையில் வெளியில் விடக்கூடாது.
வெப்பநிலை குறைவால் அழற்சி ஏற்பட்டு நோய் எதிர்ப்பு சக்தி பாதிக்கப்படும்.
அதிகப்படியான பால் அல்லது ஆரம்பகால தீவனம் அளிக்க வேண்டும்.
கழிச்சல் இருந்தால் இலக்ட்ரோலைட் பவுடர் தேவைப்படும்.
9. தொழுவ காற்றோட்டம் மற்றும் புழுங்காமை பராமரிப்பு
தொழுவத்தை முழுமையாக மூடிவிடக்கூடாது.
காற்றோட்டம் இல்லையெனில் அமோனியா வாயு வெளியேறாமல் கண் எரிச்சல், நிமோனியா ஏற்படும்.
கலப்பு தீவனங்களை ஈரமில்லாமல் வைக்கவும், பூஞ்சை தாக்கம் இல்லாதவையாக உறுதிசெய்யவும் வேண்டும்.
முடிவுரை
மழைக்காலம் என்பது இயற்கையின் பரிசு போல தோன்றினாலும், கால்நடைகள் பராமரிப்பில் கூடுதல் கவனத்தையும் பொறுப்பையும் நாடும் பருவமாகும். தொழுவ மேலாண்மை, தீவன கட்டுப்பாடு, நோய் தடுப்பு, குடிநீர் சுத்தம், மற்றும் உயிரணு தாக்கங்களைத் தடுக்கும் முறைகள் அனைத்தும் ஒருங்கிணைந்து செயல்பட்டால்தான், உங்கள் மாடுகள் ஆரோக்கியமாகவும், உற்பத்தி திறன் குறையாமலும் பராமரிக்கப்படும். மழையின் மீதான உங்கள் காதலை மாடுகளின் நலனோடு இணைக்கச் செய்யுங்கள்!
.png)
.png)
Comments
Post a Comment